Жарияланған күні:2025 ж. 29.05
Мемлекеттік білім беру тапсырысын орналастыруға арналған конкурс
Конкурстық рәсімдерді өткізу мерзімі ресми интернет-ресурста конкурс өткізу туралы хабарландыру мәтіні орналастырылған күннен бастап 25 (жиырма бес) жұмыс күнін құрайды, өтініштерді қабылдау «СҚО әкімдігінің білім басқармасы» КММ «Петропавл қаласының білім бөлімі» КММ хабарландыру жарияланған күннен басталады.
Конкурсқа кем дегенде бір жыл мүмкіндігі шектеулі балаларға арнайы психологиялық-педагогикалық қолдау көрсету саласында жұмыс тәжірибесі бар және келесілерді қамтамасыз ететін ұйымдар қатысуға жіберіледі:
1) № 385 бұйрықпен бекітілген әлеуметтік-педагогикалық сыныптамаға сәйкес дамуындағы бұзушылықтар (есту, көру, тірек-қимыл аппараты, интеллект, сөйлеу қабілеті бұзылған, психикалық дамуы тежелген, қарым-қатынас және әлеуметтік өзара іс-қимылдың бұзылуы немесе қиындықтары (аутизм спектрінің бұзылуы), күрделі (біріктірілген) бұзылулары бар балалар) санаттары бойынша орындар саны осы қағидаларға қосымшаға сәйкес нысан бойынша өтінішке сәйкес (әрі қарай – Өтініш);
2) «Білім беру объектілеріне қойылатын санитариялық-эпидемиологиялық талаптар» санитариялық қағидаларын бекіту туралы» Қазақстан Республикасы Денсаулық сақтау министрінің 2021 жылғы 5 тамыздағы № ҚР ДСМ-76 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 23890 болып тіркелді) ( әрі қарай – Санитарлық ережелер);
3) «Өрт қауіпсіздігі қағидаларын бекіту туралы» Қазақстан Республикасы төтенше жағдайлар министрінің 2022 жылғы 21 ақпандағы № 55 бұйрығына сәйкес шарттар (нормативтік құқықтық актілерді мемлекеттік тіркеу тізілімінде № 26867 болып тіркелді) (әрі қарай – Өрт қауіпсіздігі ережелері);
4) Төтенше жағдайлар туындаған кезде ескерту (дабыл түймесінің, автоматты хабарлау жүйесінің, оның ішінде ішкі дауыстық хабарлау жүйесінің болуы);
5) «Террористік тұрғыдан осал объектілерді терроризмге қарсы қорғауды ұйымдастыруға қойылатын талаптарды бекіту туралы» Қазақстан Республикасы Үкіметінің 2021 жылғы 6 мамырдағы № 305 қаулысына сәйкес терроризмге қарсы қорғау (бейнебақылау жүйесінің болуы);
6) ерекше білім беру қажеттіліктерін бағалау қағидаларын бекіту туралы Қазақстан Республикасы білім және ғылым министрінің 2022 жылғы 12 қаңтардағы № 4 бұйрығына (нормативтік құқықтық актілерді мемлекеттік тіркеу тізілімінде № 26618 болып тіркелген) сәйкес ерекше білім беру қажеттіліктері бар балаларды тәрбиелеу мен оқытуға арналған арнайы жағдайлар, Қазақстан Республикасының Заңына сәйкес және № 385 бұйрықпен бекітілген арнайы білім беру ұйымдары қызметінің үлгілік қағидаларының 4-тарауына сәйкес арнайы психологиялық-педагогикалық қолдауды ұйымдастыру;
7) мектепке дейінгі, орта білім беру ұйымдарын, сонымен қатар арнаулы білім беру ұйымдарын жабдықтармен және жиһазбен жарақтандыру нормаларын бекіту туралы Қазақстан Республикасы білім және ғылым министрінің 2016 жылғы 22 қаңтардағы №70 бұйрығына сәйкес жабдықтармен және жиһазбен жарақтандыру (нормативтік құқықтық актілерді мемлекеттік тіркеу тізілімінде № 13272 болып тіркелді);
8) Санитариялық қағидаларға сәйкес медициналық қызмет көрсету және алғашқы медициналық көмек көрсету;
9) «Педагог лауазымдарының үлгілік біліктілік сипаттамаларын бекіту туралы» Қазақстан Республикасы білім және ғылым министрінің 2009 жылғы 13 шілдедегі № 338 бұйрығына сәйкес тиісті бейін бойынша педагогикалық немесе өзге де кәсіптік білімі бар педагогикалық құраммен (нормативтік құқықтық актілерді мемлекеттік тіркеу тізілімінде № 5750 болып тіркелді) және «Мемлекеттік білім беру ұйымдары қызметкерлерінің үлгілік штаттарын бекіту туралы»Қазақстан Республикасы ағарту министрінің міндетін атқарушының 2023 жылғы 21 шілдедегі № 224 бұйрығына сәйкес штат саны (нормативтік құқықтық актілерді мемлекеттік тіркеу тізілімінде № 33166 болып тіркелді);
10) № 12 бұйрыққа сәйкес мемлекеттік сатып алу веб-порталында тіркеу.
Мемлекеттік білім беру тапсырысын орналастыруға үміткер ұйымдар электрондық форматта (ptr@sqo.gov.kz электрондық пошта мекенжайы) немесе қағаз түрінде хабарландыру орналастырылған күннен бастап 3 жұмыс күні ішінде келесі құжаттарды ұсынады.
1) өтініш;
2) ұйым басшысының қолымен расталған бейнебақылау камераларын, дабыл батырмасын және дауыстық хабарлауды орналастыру схемасы;
3) Санитариялық қағидаларға сәйкес медициналық қамтамасыз етуді жүзеге асыруға арналған аумақтық алғашқы медициналық-санитариялық көмек ұйымымен шарт;
4) педагогикалық немесе бейіндік білімі бар педагогтердің белгіленген үлгідегі білім туралы штат кестесінің және құжаттарының көшірмелері;
5) құқықтарды мемлекеттік тіркеу жүргізілгені туралы белгісі бар құқық белгілейтін құжат мемлекеттік білім беру тапсырысын игеру мерзімі аяқталғанға дейін жалға алу, өтеусіз пайдалану, сенімгерлік басқару шартының қолданылу мерзімі бар жылжымайтын мүлікке немесе жалға алу, өтеусіз пайдалану, сенімгерлік басқару құқығын растайтын құжат.
Петропавл қаласының білім бөлімі құрған комиссия мемлекеттік электрондық ақпараттық жүйелер арқылы алынған келесі құжаттардың бар-жоғын және жарамдылығын тексеруді жүзеге асырады («электрондық үкімет» www.egov.kz, www.elicense.kz веб-порталы):
1) заңды тұлғаны мемлекеттік тіркеу/қайта тіркеу туралы анықтамалар және/ немесе қызметтің басталғаны немесе тоқтатылғаны туралы хабарлама;
2) медициналық қызмет көрсетуге шарт болмаған кезде медициналық қызметке лицензиялар;
3) ұйымның санитариялық-эпидемиологиялық талаптарға сәйкестігі туралы санитариялық-эпидемиологиялық қорытынды;
4) конкурсқа құжаттар берілгенге дейін бір ай мерзімнен ерте емес күнмен мемлекеттік кіріс органдарында есепке алу жүргізілетін берешектің жоқ (бар) екендігі туралы мәліметтер.
Өткізу уақыты 2025 жылғы 3 маусым сағат 15.00-де.
Өтетін орны – «Петропавл қаласының білім бөлімі» КММ СҚО, ҚР . Конституция Қазақстан көшесі,23, 301 каб.
Анықтама үшін телефон: 8(7152) 46-32-59.
Бірінші блокта аталмыш мектептің ұстаздары Балаганова Н.К. тренинг, Абилева Г.А. кері байланыс, Кусаинова Г.И., Шаяхина Ж.Н., Майсатаева А.Б., Топышева Х.Т., Амантаев Н.А., Хусаинова Г.З., №20 орта мектептің ұстазы Казиева А.Т., №42 мектептің ұстазы Какенова А.Б. сабақтар топтамасы арқылы функционалдық сауаттылықты дамыту мақсатында істелініп жатқан іс-тәжірибиелерін көрсете алса, екінші блокта Назарбаев Зияткерлік мектебінің ұстаздары Какпенова С.З., Тулебаева А.К., Рахметова Л.З., Батыров Б.Е. озық педагогикалық шеберліктерімен бөлісті.
Семинар барысында функционалдық сауаттылықты дамытудың жалпы бағдары Қазақстан Республикасында білім беруді дамытудың 2011-2020 жылдарға арналған мемлекеттік бағдарламасында анық көрсетілгені және осы бағдарламаны басшылыққа ала отырып, Қазақстан Республикасы Үкіметінің 2012ж. 25 маусымдағы №832 қаулысымен «Мектеп оқушыларының функционалдық сауаттылығын дамыту жөніндегі 2012-2016 жылдарға арналған Ұлттық іс-қимыл жоспары» бекітілгені айтылды. Осы бағдарламаны жүзеге асыру мақсатында білім алушылар үшін барлық мүмкіндіктер жасалып жатқаны айтылды.
Кусаинова Г.И. мен Шаяхина Ж.Н. сын тұрғысынан ойлаудың ББҮ, ЖИГСО, кластер, фишбоун, РАФТ стратегияларын тиімді пайдалана алды. Әр тапсырма өмірмен байланыста құрастырылған. Амантаев Н.А пен Хусаинова Г.З. ақпараттық технологияларды пайдаланып, геометрия және информатика пәндерін тиімді ұштастырды. Сабақ барысында оқушылар сын тұрғысынан ойлана отырып, жаңа бағдарламаларды меңгеруге дағдыланы бірден байқалды. Майсатаева А.Б. мен Топышева Х.Т. математикалық сауаттылық пен үштілділік саясатты орындау мақсатында геометрия және физика сабақтарын кіріктіре отырып ағылшын тілінде жүргізгендері ұстаздарды таң қалдырды. Және осы тәсіл Назарбаев Зияткерлік мектебінде Какпенова С.З. өткізген сабақта жалғасын таба білді. Қай сабақты алмасақ та оқушылар үш тілде еркін сөйлеп ойларын жеткізе алды.
Семинар тыңдаушылары алғыстары мен ұсыныстарын айту барысында семинардың тиімділігіне кеңінен тоқталды. Онда жаңа ақпарат алғандықтарын, әдіс-тәсілдерді тиімді пайдаланудың түрлерін көргендіктерін, математикалық сауаттылықты дамытудағы іс-әрекеттердің дұрыс жолға қойылғандығын айтып, алғыстарын білдірді.
Семинарды өткізуге ат салысқан ұстаздарымызға алғыстарымызды білдіріп, педагогикалық еңбек жолында шығармашылық табыс тілейміз.
Жаңалықты мекеменің сайтында қарау
E-mail: ptr@sqo.gov.kz
